Нууцлалын бодлого

Багш өөрийн ангийн сурагчдын мэдээллийг платформд оруулж, шалгалт зохион байгуулна. Энэ тохиолдолд багш (сургуулийн нэрийн өмнөөс бол сургууль) сурагчийн мэдээллийн хариуцагч, бид түүний зааврын дагуу мэдээллийг техникийн хувьд боловсруулагч байна.

Багшийн өөрийн бүртгэл, төлбөрийн мэдээллийн хувьд бид хариуцагч байна.

Багш: нэр, имэйл, нууц үгийн шифрлэгдсэн хэлбэр (нууц үгийг өөрийг нь хадгалдаггүй), нэвтэрсэн төхөөрөмж ба IP хаяг, багц ба төлбөрийн бүртгэл (картын мэдээлэл бидэнд ирдэггүй), таны үүсгэсэн шалгалтын материал.

Сурагч: багшийн оруулсан нэр, анги, журналын дугаар; шалгалтын хариулт, оноо, түвшин; цаасан шалгалтын хариултын хуудасны зураг (зөвхөн хариулт унших зорилгоор).

Бид зориуд цуглуулдаггүй: сурагчийн регистрийн дугаар, төрсөн огноо, гэрийн хаяг, утас, имэйл, нүүр зураг, дуу, видео; биометрик мэдээлэл (царай, хурууны хээ, дуу хоолой); эрүүл мэнд, шашин, үндэс угсааны мэдээлэл; шалгалтын үеийн веб камерын бичлэг, товчлуур дарах бүрийн бүртгэл. Гар бичмэлийн зургийг бичсэн хүнийг таних зорилгоор хэзээ ч ашиглахгүй.

• Шалгалт зохион байгуулах, хариулт шалгах, дүн гаргах, тайлан бэлдэх.
• Бүртгэл, нэвтрэлт, аюулгүй байдал (сэжигтэй нэвтрэлтийг илрүүлэх, мэдэгдэх).
• Багц, төлбөрийн тооцоо; үйлчилгээний мэдэгдэл (имэйл).
• Алдааг засах, үйлчилгээг сайжруулах (нэргүйжүүлсэн нэгтгэлээр).

AI нь даалгаврын ноорог үүсгэх, нээлттэй хариултад оноо санал болгох, тайлбар, зөвлөмж бичихэд ашиглагдана. Хувь, түвшнийг программ код тооцоолно.

• AI руу сурагчийн нэр, ангийг арилгасан хариултын бичвэр эсвэл хариултын хэсгийн тайрсан зураг л очно.
• AI-ийн оноо зөвхөн санал: багш батлахаас өмнө сурагчид харагдахгүй, багш засаж болно, засвар бүр шалтгаантай бүртгэгдэнэ.
• Сурагч, эцэг эх дүнд гомдол гаргаж, багшаар дахин үнэлүүлэх эрхтэй (хуулийн 16.1.11).
• Таны мэдээллийг AI загвар сургахад ашиглахгүй (үйлчилгээ үзүүлэгчдийн нөхцөлөөр хориглосон).
• Зөвшөөрөл өгөөгүй сурагчийн хариултыг AI-аар боловсруулахгүй — багш өөрөө дүгнэнэ; шалгалт өгөх эрх хэвээр.

Хуулийн 4.1.5, 8.5-д заасны дагуу насанд хүрээгүй сурагчийн мэдээллийг боловсруулахад түүний хууль ёсны төлөөлөгч (эцэг эх, асран хамгаалагч)-ийн зөвшөөрөл шаардлагатай. Багш сурагчдаа платформд оруулахаас өмнө зөвшөөрөл авах үүрэгтэй; платформ зөвшөөрлийн хуудсыг хэвлэх, сурагч бүрийн зөвшөөрлийн төлөвийг бүртгэх хэрэгслээр хангана. Зөвшөөрлийг хэзээ ч цуцалж болно.

Үйлчилгээ үзүүлэхэд дараах этгээдүүд мэдээллийн тодорхой хэсгийг бидний нэрийн өмнөөс боловсруулна. Тэдгээрийн зарим нь гадаад улсад байрладаг тул хуулийн 14.1-ийн дагуу таны (сурагчийн хувьд хууль ёсны төлөөлөгчийн) зөвшөөрлөөр дамжуулна:

• серверийн (VPS) үйлчилгээ үзүүлэгч — өгөгдлийн сан, файл (бүх мэдээлэл, шифрлэгдсэн холболтоор).
• Cloudflare, Inc. (АНУ) — сайтын хамгаалалт, бот шалгалт, файл хадгалалт.
• AI үйлчилгээ үзүүлэгч (Anthropic PBC, Google LLC, OpenAI OpCo LLC — АНУ) — дээрх 4-р хэсэгт заасан нэргүйжүүлсэн хэсэг; үйлчилгээ үзүүлэгч талд 30 хүртэл хоног хадгалагдана. Ашиглаж буй үйлчилгээ үзүүлэгчийн жагсаалтыг энд шинэчилж, өөрчлөлтийг урьдчилан мэдэгдэнэ.
• Amazon Web Services — имэйл илгээх (имэйл хаяг, мэдэгдлийн агуулга; оноо ордоггүй).
• QPay (Монгол) — төлбөр (нэхэмжлэхийн дугаар, дүн; сурагчийн мэдээлэл ордоггүй).

Бид таны мэдээллийг зар сурталчилгааны зорилгоор хэнд ч зардаггүй, дамжуулдаггүй.

• Шалгалтын хариулт, оноо: багц идэвхтэй байх хугацаа + 12 сар, дараа нь нэр арилгаж нэргүйжүүлнэ.
• Цаасан хуудасны зураг: оноо эцэслэгдсэнээс хойш 90–180 хоног, дараа нь устгана (оноо үлдэнэ).
• AI руу илгээсэн хэсэг, хариу: 30 хоног.
• Экспортын файл: 7 хоног.
• Нэвтрэх оролдлого, аюулгүй байдлын бүртгэл (аудит): 3 жил.
• Төлбөрийн бүртгэл: татварын хууль тогтоомжид заасан хугацаагаар.
• Нөөц хуулбараас устгасан мэдээлэл хамгийн ихдээ 12 сарын дотор арилна.

• Бүх холболт шифрлэгдсэн (HTTPS); нууц үгийг Argon2id-аар шифрлэн хадгална.
• Багш бүрийн мэдээлэл өгөгдлийн сангийн түвшинд тусгаарлагдсан — нэг багш нөгөөгийн мэдээллийг харах боломжгүй.
• Ажилтны нэвтрэлтэд хоёр шаттай баталгаажуулалт заавал; хандалт бүр засварлах боломжгүй бүртгэлтэй.
• Дэмжлэгийн ажилтан таны бүртгэлийг зөвхөн шалтгаан бичиж, 30 минут хүртэл, бүртгэлтэйгээр харна; энэ үед таны дэлгэцэд тод тэмдэг харагдана.
• Мэдээлэл алдагдсан тохиолдолд нөлөөлөгдсөн хэрэглэгчид болон холбогдох байгууллагад хуульд заасны дагуу даруй мэдэгдэнэ.

Та өөрийн (насанд хүрээгүй хүүхдийн хувьд хууль ёсны төлөөлөгч хүүхдийнхээ) мэдээллийг үзэх, хуулбар авах, засуулах, устгуулах, зөвшөөрлөө цуцлах, автомат боловсруулалтын үр дүнг тайлбарлуулах, дахин боловсруулахыг шаардах эрхтэй. Сурагчийн мэдээллийн хүсэлтийг эхлээд тухайн багшид, шийдэгдэхгүй бол бидэнд хандана уу.

Чадамж · [email protected]. Бодлого өөрчлөгдөхөд хувилбарын дугаар шинэчлэгдэж, багш нарт нэвтрэхэд мэдэгдэнэ.